Psa 121 | YON | STEP | Daane kawini ye yook. Ne awawi kuu kuna yaambed mananeen ande kaamoneni, ne indob kankoone aangko aangko ari kereknain kii.

Psalms 121

Yook 121

Daane kawini ye yook.

1 Ne awawi kuu kuna yaambed mananeen ande kaamoneni,
ne indob kankoone aangko aangko ari kereknain kii.
2 Ne awawi kuuYariman yaambed minimaan,
Eweniib okadiib ongmenaboonman yaambed kui.
3 Ye kuu eb domobdaana kereeb beredare kombaraabban,
kwane eb yaa oonebdimaanman kuu unuk angkaanban.
4 Kedi, Israeldan yaa oonendimaanman kuu
unuk angkimokban no kwane kerekbere doberembirimaan.
5 Yariman kuu eb yaa oonebdimaanman,
kwaneYariman kuu eb nen dorondarimaanman.
6 Aronki kuu aronbed ma aunban,
kwane amki kuu woodbed kangkon ma aunban.
7 Yarimanbed eb kuu nen amukmo biknaneen kowe kumkam maambed aanban,
kwane eb wadkeri yaa kuu oone kerenombaraneen.
8 Yarimanbed eb menebiyiib wenebiyiib kuu
kibikbed wene aron korem kwane oone keebdombaraneen.